تبلیغات اینترنتیclose
حکیم ملا محمد علی هیدجی نین غزللری - 2
حکیم ملامحمدعلی هیدجی درپژوهشهای دکترحسین محمدزاده صدیق
شرح افکار، احوال و آثار ملا محمد علی هیدجی بر اساس تحقیقات استاد دکتر حسین محمدزاده صدیق
موضوع : حکیم هیدجی نین غزللری , | بازدید : 702

1     صوفی بویوردو سئیر و سفردیر غمه علاج،

گئیدیم چاریق آیاغیما، آلدیم اله آغاج.

یئر قالمادی کی گئتمه‌ییب اوردا دوتوم سوراغ،

بیر کس تاپیم مگر کیم ائده دردیمه علاج.

بیلمیش قامی کی یاخشی غذادیر سکنجبین،

اما نه فایده کی سلامت دؤگول مزاج.

من بو یوغون آغاجی نئجه ائیله‌ییم قوجاق؟

من بو اوزون طنابی نئجه ائیله­ییم قولاج؟

5    ائیله اوره‌کده نقش گول ‌اوزلر محبتین،

تاپماز بو مملکتده گوموش سیکّه‌سیز رواج.

ترک ائیله‌مز محبتی اول کیم کی طینتی،

ذرّ عالمینده تاپدی محبتله امتزاج.

آس جان قولاغینا بو سؤزو، تنبل اولما دور،

گئت ایشله، تاپ چؤره‌ک، یوخو ایمان خدایا آج.

چوخ حرص مال قازانماغا وورما معاش اوچون،

ائتمک گره‌ک تلاش، ولی قدر احتیاج.

گل همّت ائیله، حاجتیوی کس بو خلقدن،

مشهوردور کی: شیری ائده‌ر تولکو، احتیاج!

10    محتاجدیر حریص، قناعت قیلان غنی،

گر بو یالین آیاغی، اونون وار باشیندا تاج.

نفسین اوشاقدیر دیله وئرمه اوشاغا اوز،

تاپشیر خدایا ایشلری، شئیطانا وئرمه باج.

دونیا عروسونو ارینه گؤردو هیده‌جی،

یوخدور وفاسی، ائیله‌مه‌‌دی مئیل ازدواج.

صفحه قبل صفحه بعد
نظر شما
نام : *
پست الکترونیک :
وب سایت/بلاگ :
*
:) :( ;) :D
;)) :X :? :P
:* =(( :O @};-
:B /:) =D> :S
کد امنیتی : *

برچسب ها : حکیم ملا محمد علی هیدجی نین غزللری,شناختنامه ملا محمد علی هیدجی بر اساس پژوهشهای دکتر حسین محمدزاده صدیق دوزگون, پژوهشهای دکتر صدیق درباره ملا محمد علی هیدجی,تحقیقات حسین محمدزاده صدیق پیرامون حکیم ملا محمد هیدجی, شناختنامه حکیم ملا محمد علی هیدجی به روایت حسین محمدزاده صدیق,دکتر حسین محمدزاده صدیق مصحح دیوان حکیم ملا محمد علی هیدجی, حسین محمدزاده صدیق از حکیم محمد علی هیدجی میگوید, حکیم ملا محمد علی هیدجی به روایت دکتر حسین محمدزاده صدیق دوزگون, حسین دوزگون, ,
ارسال در تاريخ جمعه 14 مهر 1391 توسط دکتر صدیق. ارسال: سید احسان شکرخدایی