تبلیغات اینترنتیclose
حکیم ملا محمد علی هیدجی نین غزللری - 2
حکیم ملامحمدعلی هیدجی درپژوهشهای دکترحسین محمدزاده صدیق
شرح افکار، احوال و آثار ملا محمد علی هیدجی بر اساس تحقیقات استاد دکتر حسین محمدزاده صدیق
موضوع : حکیم هیدجی نین غزللری , | بازدید : 847

1   ائشیتمیشم ایکی زاد وار گتیرمک اولماز تاب:

بیری فراق احبّا، ایکینجی فقد شباب.

بو گون مجالی غنیمت بیل ای جوان! قالماز،

همیشه عؤمر گولوستانی خرم و شاداب.

خدا بو عالمی اسباب عالمی یارادیب،

گره‌کدیر آدمه مطلوبه یئتمه‌گه اسباب.

قیلیب مشیّتی محتاج خلقی بیرـ بیرینه،

دؤگول گزاف، بیلیر حکمتین اولوالالباب.

5    پیاده گئتمه‌گه یولداش اگر یوخون طاقت!

یوبانما، وقت گئچیب، بیر اولاغ اؤزونچون تاب.

مجازی دوت قاباغا تا تاپان حقیقته یول،

دیمه نه وئجه گلیر عقل ‌و اصل و استصحاب.

اوتور سؤزه قولاق آس، اؤرگن ای اوغول! اخلاق،

ائشیت نصیحتیمی، یاد دوت بالام آداب.

آتاسینا عاق اولان آی بالام! چؤره‌ک تاپماز!

آنایا قوللوق ائله گر اوتا یوخوندور تاب.

قیزیم! نظرده همیشه اؤزون آریق ساخلا،

نئچون کی کؤک قویونون باشینی کسه‌ر قصّاب.

10    کیشی تاری سنی دونیادا خلق ائدیب آزاد،

سن اؤزگه‌نی اؤزووه ایسته‌رن نه‌دن ارباب؟

قناعت ائیله عزیز! اول همیشه هر یئرده،

گلیر الیندن اگر، وئر چؤره‌ک سن اول ارباب.

خدا مقدّر ائدیب روزونو سنه یئتیشیر،

نه‌دیر بو حرص سالیرسان یئره ـ گؤیه قلّاب؟

منم کی شاه و گدادان طمع دیشین چکدیم،

منیم یانیمدا یوخو فرق تاجر و تونتاب.

او کس کی طاعت و تقواسی وار اونون قولویام،

نه اول کی قیرخدی اوزون، ائتدی سورمه و سورخاب.

15    نماز قیلماق اوچون گؤردو هیده‌جی یوخدورـ

لیاقتی، ائله‌دی ترک مسجد ومحراب.

صفحه قبل صفحه بعد
نظر شما
نام : *
پست الکترونیک :
وب سایت/بلاگ :
*
:) :( ;) :D
;)) :X :? :P
:* =(( :O @};-
:B /:) =D> :S
کد امنیتی : *

برچسب ها : حکیم ملا محمد علی هیدجی نین غزللری,شناختنامه ملا محمد علی هیدجی بر اساس پژوهشهای دکتر حسین محمدزاده صدیق دوزگون, پژوهشهای دکتر صدیق درباره ملا محمد علی هیدجی,تحقیقات حسین محمدزاده صدیق پیرامون حکیم ملا محمد هیدجی, شناختنامه حکیم ملا محمد علی هیدجی به روایت حسین محمدزاده صدیق,دکتر حسین محمدزاده صدیق مصحح دیوان حکیم ملا محمد علی هیدجی, حسین محمدزاده صدیق از حکیم محمد علی هیدجی میگوید, حکیم ملا محمد علی هیدجی به روایت دکتر حسین محمدزاده صدیق دوزگون, حسین دوزگون, ,
ارسال در تاريخ جمعه 14 مهر 1391 توسط دکتر صدیق. ارسال: سید احسان شکرخدایی