تبلیغات اینترنتیclose
حکیم ملا محمد علی هیدجی نین غزللری - 5
حکیم ملامحمدعلی هیدجی درپژوهشهای دکترحسین محمدزاده صدیق
شرح افکار، احوال و آثار ملا محمد علی هیدجی بر اساس تحقیقات استاد دکتر حسین محمدزاده صدیق
موضوع : حکیم هیدجی نین غزللری , | بازدید : 676

1   بهار عؤمر خزان اولدو یاغدی باشیما قار،

بو گون گول ‌اوزلری سؤومک اولوب منیمچون عار.

منه دیییرلر قوجالدین، جاوانلیق ائتمه! ولی،

او زاد کیم اولدو طبیعی، نئجه زوال تاپار؟

من ائیله‌رم بو محبت اوتون اوره‌کده خموش،

اگر حرارتی زایل ائده اؤزوندن نار.

محبت اهلی ملام و مذمّته باخماز،

بو سؤزلره قولاق آسماز اگر حقیقتی وار.

5    من اول کسم کی هوا و هوسله مشهورام،

او سرخوشام کی آدیم عشقیلن اولوبدور جار.

یاپیشدیرار ایکی بیگانه‌نی، علاقه‌ی عشق،

بیرین ـ بیرینه نئجه ایکی تخته‌نی میسمار.

اگر گؤزه‌للری سؤومک منیم گوناهیمدیر،

بو بیر گوناهدیر اوندان من ائتمه‌م استغفار.

صبا! پیامیمی جانانیما یئتیر، دی کی:«ـ ای ـ

سؤزو یالان! اؤزو نامهربان! وفاسیز یار!

سنه گؤره گؤتوروب مندن ال قامی اقوام،

سنین یولوندا شماتت ائده‌ر منه اغیار،

10   اگر سن ایسته‌رن ای مُغچه! شیخ صنعان تک،

بویور سالیم قوجالیق چاغی بوینوما زنّار!»

بویون بلاسین آلیم، دور آیاغا، مقدمیوه،

نثار قیلماغا یوخ باش و جان اوچون مقدار.

قادان منه، گل اوتور دؤوره‌وه گزیم دولانیم،

نئجه گزه‌ر دولانیر دؤورِ مرکزه پرگار.

سنه اثر ائله‌مز، ای عجب! منیم آهیم،

من آغلییاندا گلیر ناله‌یه در و دیوار.

هارا بو خلقین الیندن گئدیم اولوم راحت؟

گؤرون منیمچون اولوبدور بو گنگ دونیا دار.

15    آدام کی ایسته‌مز اؤلسون اؤز ایختیاریلن،

بو هرزه خلقی گؤرور، اؤلمه‌گه اولور ناچار.

صفحه قبل صفحه بعد
نظر شما
نام : *
پست الکترونیک :
وب سایت/بلاگ :
*
:) :( ;) :D
;)) :X :? :P
:* =(( :O @};-
:B /:) =D> :S
کد امنیتی : *

برچسب ها : حکیم ملا محمد علی هیدجی نین غزللری,شناختنامه ملا محمد علی هیدجی بر اساس پژوهشهای دکتر حسین محمدزاده صدیق دوزگون, پژوهشهای دکتر صدیق درباره ملا محمد علی هیدجی,تحقیقات حسین محمدزاده صدیق پیرامون حکیم ملا محمد هیدجی, شناختنامه حکیم ملا محمد علی هیدجی به روایت حسین محمدزاده صدیق,دکتر حسین محمدزاده صدیق مصحح دیوان حکیم ملا محمد علی هیدجی, حسین محمدزاده صدیق از حکیم محمد علی هیدجی میگوید, حکیم ملا محمد علی هیدجی به روایت دکتر حسین محمدزاده صدیق دوزگون, حسین دوزگون, ,
ارسال در تاريخ جمعه 14 مهر 1391 توسط دکتر صدیق. ارسال: سید احسان شکرخدایی