تبلیغات اینترنتیclose
ملا محمد علی هیدجی نین غزللری - 31 تصحیح دکترمحمدزاده صدیق
حکیم ملامحمدعلی هیدجی درپژوهشهای دکترحسین محمدزاده صدیق
شرح افکار، احوال و آثار ملا محمد علی هیدجی بر اساس تحقیقات استاد دکتر حسین محمدزاده صدیق
موضوع : حکیم هیدجی نین غزللری , | بازدید : 768

(م.)257، (ﻫ.)242

بحر رمل مثمن مخبون محذوف

فاعلاتن، فعلاتن، فعلاتن، فعلن

1   قوجالیق اگدی منی، دور قادان آلیم ساقی!

عؤمردن بیر نئچه گۆندن دؤگۆل آرتیق باقی.

دیش دۆشۆب، بئل بۆکۆلۆب، اۆز قیریشیب، باش‌آغاریب،

نئجه کیم قار یاغار قیشدا آغاردار داغی.

هوشومو باشدان آپار، حالیمی زۆلفۆن کیمی پوز،

دؤوه مست اولدو، یۆک آلتیندا گله‌ر اویناقی.

من دایانمام، گئده‌رم عشق و محبت یولونو،

گزه‌رم بو چؤلۆ هر یان، اوجانی‌ـ ‌آلچاقی.

5    وار خبرده کی آدام بیر زادی آختارسا تاپار،

باغلادیم من بو اۆمیده بئلیمه قورشاقی.

سالیکِ عارفه اؤز حالیمی عرض ائتدیم او گۆن،

دیدیم:«ـ اول دوست گؤره‌ن مۆمکۆن اولور گؤرماقی؟»

دیدی:«ـ آچ، باخ، گؤزۆوی یوخسا یئتیبسن کاما،

ناتی آچما! بو سؤزۆن یاخشی دؤگۆل چیپلاقی!

چوخ سؤزۆن صرفه سنینچۆن یوخو، اصرار ائله‌مه،

ای داماغی قورو، بئینی بالا، دار قورساقی.

دیلیوی ساخلا، سنی وئرمییه آخیر اؤلۆمه،

اؤلۆمه وئردی بو سؤزلر نئجه شیخ اشراقی!»

10  حق بویوردو بو سؤزۆ دوغرو دیدی:«ـ یاخشی دؤگۆل

سیرری، ظاهیر ائله‌مک.» ایمدی اودور یئیراقی ـ

کیم یوموم آغزیمی اول سؤودۆگۆمۆ اوخشاماییم،

آیری وقته قالا، یار باقی و صحبت باقی!

هیده‌جی عشق طربنامه‌سینی یازدی بو گۆن،

چولقادی عیش و فرح دفترینه اوراقی.

صفحه قبل صفحه بعد
نظر شما
نام : *
پست الکترونیک :
وب سایت/بلاگ :
*
:) :( ;) :D
;)) :X :? :P
:* =(( :O @};-
:B /:) =D> :S
کد امنیتی : *

برچسب ها : دکتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ شنبه 30 دی 1391 توسط دکتر صدیق. ارسال: سید احسان شکرخدایی