تبلیغات اینترنتیclose
ملا محمد علی هیدجی نین غزللری - 33 تصحیح دکترمحمدزاده صدیق
حکیم ملامحمدعلی هیدجی درپژوهشهای دکترحسین محمدزاده صدیق
شرح افکار، احوال و آثار ملا محمد علی هیدجی بر اساس تحقیقات استاد دکتر حسین محمدزاده صدیق
موضوع : حکیم هیدجی نین غزللری , | بازدید : 787

بحر رمل مثمن مخبون اصلم

مفاعلن، فعلاتن، مفاعلن، فع‌لن.

           (م.)230، (ﻫ.)244

1   اۆزۆنده دامدیر اول زۆلفۆ، دانه‌دیرخالی،

باخیب کؤنۆل قوشو گؤرجک، قاریشدی احوالی.

تَنگ دوداقلاری قئیماق، آغیزینین سویو بال،

بو شوخ بیر یئره قئیماق ایلن قاتیب بالی.

یاخیب بو قونچا دوداق لاله تک منه جانی،

اگیب بو قدّی الیف دال تک منه دالی.

اگر بو تۆرک منیم کؤنلۆمۆ آلا الینه،

باغیشلارام تئلینه اردبیل و خلخالی.

5    بو روزگاردا ای سؤودۆگۆم یوخون ثانی،

مقدّمن هامی گؤیچکلره، یوخون تالی.

گؤزۆم یولوندادیر ای گؤزه‌لرین قاداسی منه!

مگر گلن، سنه اؤز دردیمی ائده‌م حالی.

گؤزۆم سارالدی کؤکۆ، انتظار تا هاچاغا،

تۆکندی عؤمر، اۆره‌ک اولدو قوصصه پامالی.

صنم! سنی سینادیم گئت وفا و مئهرین یوخ،

دیمه کی شوخ و پری‌اۆزلرین بودور حالی.

حئییف بو عؤمرِ عزیزه کی وئجسیز گئچدی،

هانی منیم کیمی مغزی شعوردان خالی؟

10  من اول کسم کی نه دونیاسی وار، نه آخرتی،

نه فهمی وار، نه کمالی، نه مۆلک و نه مالی.

خدا بیلیر کی محبت یولوندا هیده‌جلی،

بئلی بۆکۆلدۆ، قوجالدی، آغاردی ساققالی.

صفحه قبل صفحه بعد
نظر شما
نام : *
پست الکترونیک :
وب سایت/بلاگ :
*
:) :( ;) :D
;)) :X :? :P
:* =(( :O @};-
:B /:) =D> :S
کد امنیتی : *

برچسب ها : دکتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ شنبه 30 دی 1391 توسط دکتر صدیق. ارسال: سید احسان شکرخدایی