تبلیغات اینترنتیclose
ملا محمد علی هیدجی نین غزللری - 34 تصحیح دکترمحمدزاده صدیق
حکیم ملامحمدعلی هیدجی درپژوهشهای دکترحسین محمدزاده صدیق
شرح افکار، احوال و آثار ملا محمد علی هیدجی بر اساس تحقیقات استاد دکتر حسین محمدزاده صدیق
موضوع : حکیم هیدجی نین غزللری , | بازدید : 905

بحر رمل مثمن محذوف

فاعلاتن، فاعلاتن، فاعلاتن، فاعلن

                   (م.)254، (ﻫ.)245

1   چیخدی جانانیم اوتاقدان، جیسمدن جانیم کیمی،

گئتدی جئیرانیم الیمدن، دین و ایمانیم کیمی.

گئچدی یئل تک من باخاردیم یئل داغیتدی چیگنینه،

عنبر افشان کاکیلین، حال پریشانیم کیمی.

سسله‌دیم:«ـ هان ای محبّت‌سیز بوت نامهربان!

گئتمه، گل سیندیرما عهدی، قلبِ ویرانیم کیمی!»

دؤندۆ اوخ تک، غمزه‌سین تۆند ائتدی تؤکسۆن قانیمی،

قیرمیز ائتدی عارض گۆلنارینی قانیم کیمی.

5    قیلمیشام چوخ باغ و بوستانی تماشا، گؤرمه‌دیم،

بو اۆزۆ گۆل، آغزی قونچا، زۆلفۆ ریحانیم کیمی.

جمع قیلمیشدیم خیالی من ائده‌م عزم وطن،

اول خیالی، بو پری اۆز پوزدو سامانیم کیم.

باشیما دۆشدۆ هواسی قالمادی هوش و حواس،

قوم و قارداشی فراموش ائتدیم اؤز جانیم کیمی.

گؤز گؤتۆردۆم نام و ننگ و عار و جار و جاه‌دان،

ترک قیلدیم مۆلک و مالی، باغ و بوستانیم کیمی.

من یازاردیم نئچّه مدت دین و دانش دفترین،

دین و ایمانی آپاردی اوغرو، دیوانیم کیمی.

10  چوخ ولایتلر گزیب هر قسم گؤردۆم نازنین،

گؤرمه‌دیم نامهربان اؤز یار و جانانیم کیمی.

دوغروسو عشقینده جانا قوصصه و غمدن ساوای،

من کی بیر زاد بیلمه‌دیم، بو درس عرفانیم کیمی.

ای محبت‌سیز! الیندن داد، قیلدین هئچ یاد:

«ـ من واریم بیر عاشیقیم بو مات و حئیرانیم کیمی؟»

کلّه‌م اوتلاشمیش، تؤکر قور، گؤزلریمدن سو آخار،

سینه دولموش سسله‌نیر بو الده قلیانیم کیمی!

صفحه قبل 1 صفحه بعد
نظر شما
نام : *
پست الکترونیک :
وب سایت/بلاگ :
*
:) :( ;) :D
;)) :X :? :P
:* =(( :O @};-
:B /:) =D> :S
کد امنیتی : *

برچسب ها : دکتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ شنبه 30 دی 1391 توسط دکتر صدیق. ارسال: سید احسان شکرخدایی