تبلیغات اینترنتیclose
ملا محمد علی هیدجی نین قصیده لری - 1 تصحیح دکترمحمدزاده صدیق
حکیم ملامحمدعلی هیدجی درپژوهشهای دکترحسین محمدزاده صدیق
شرح افکار، احوال و آثار ملا محمد علی هیدجی بر اساس تحقیقات استاد دکتر حسین محمدزاده صدیق
موضوع : حکیم هیدجی نین قصیده لری, | بازدید : 739

بحر هزج اخرب مکفوف محذوف

مفعول، مفاعیل، مفاعیل، فعولن

                    (م.) 233، (ﻫ.) 226

1   کیمدیر دییه اول شوخ‌ گۆل‌اۆز، قونچا دوداغا؟

قیش گئتدی، باهار اولدو گلیب گۆل گنه باغا.

جانا! چمنه چک طرب و عیش بساطین،

قوربانین اولوم حجره‌ی خلوتده‌ هاچاغا؟

صۆبحۆن دمی، گۆل موسمی، نوروز هواسی،

ناز ائتمه قادان جانیما ساقی! دور آیاغا.

بیر چیکگه او مئی‌دن کی دیریلدیر اؤلۆنۆ، تؤک

یمانه‌یه، گلسین بو قوجا بلکه دماغا.

5    یوخ تاب دیزیمده، چکیلیب نور گؤزۆمدن،

آرتار ایشیغی گر تؤکه‌سن یاغ چیراغا.

گؤیچک! منه حققیندیر، ائده‌ن ناز، چتیندیر

ترلان ائده ‌راضی اؤزۆنۆ صحبتِ زاغا.

گه‌ـ‌گه بو قوجا عاشیقیوه ائیله نوازش،

قوی خلق دیسین: کهلیک اولوب یار کلاغا!

آل بیر گئجه اؤز قوینووا جانا! بو قوجانی،

تا صۆبح قوجاغیندا جوان دورسون آیاغا.

ای تۆرک! سنین تئللریوه طارم و خلخال،

قوربان اولا اول خالیوا تبریز و مراغا.

10   سردار مؤید آجیغی گلسه بو سؤزدن،

پاره ائده‌رم بو ورقی ساللام اوجاغا.

ارباب صفا قونچا کیمی اۆزلری گۆلسۆن،

گلسین پیس آدام یونجا کیمی بوینو اوراغا.

بس پیرِ موغانا گیله ائتدیم کی:«ـ نه وقته،

رنجور و گرفتارِ غم و قوصصه و داغا؟

اولسایدی حقیقت منه معلوم»، بویوردو:

«ـ بیهوده دیزین قوجما اؤزۆن سیخما بوجاغا.

ای خام! بو سئودانی هوس ائیله‌مه، اولماز

انباری تؤکن توربا‌یا، دریانی چاناغا!»

صفحه قبل صفحه بعد
نظر شما
نام : *
پست الکترونیک :
وب سایت/بلاگ :
*
:) :( ;) :D
;)) :X :? :P
:* =(( :O @};-
:B /:) =D> :S
کد امنیتی : *

برچسب ها : کتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ دوشنبه 31 تير 1392 توسط دکتر صدیق. ارسال: سید احسان شکرخدایی