تبلیغات اینترنتیclose
ملا محمد علی هیدجی نین قصیده لری - 2 تصحیح دکترمحمدزاده صدیق
حکیم ملامحمدعلی هیدجی درپژوهشهای دکترحسین محمدزاده صدیق
شرح افکار، احوال و آثار ملا محمد علی هیدجی بر اساس تحقیقات استاد دکتر حسین محمدزاده صدیق
موضوع : حکیم هیدجی نین قصیده لری, | بازدید : 731

بحر هزج مثمن سالم

مفاعیلن، مفاعیلن، مفاعیلن، مفاعیلن

                        (م.) 307، (ﻫ.)293

1      بو دۆشگۆن، غصه و غمدن یئتیبدیر جانا یا مولا!

یئتیرسین تا اؤزۆن بو صحن و بو ایوانا یا مولا!

نه زحمتلر چکیب یئتدیم بورا آللاها شۆکر اولسون،

وسیله اول دوباره گئتمه‌ییم تهرانا یا مولا!

منی گل ‌اؤز قاپیندان رد قیلما دۆشمۆشم الدن،

الیمدن دوت سنی وئرره‌م قسم قرآنا یا مولا!

نه چوخ اۆمّید ایلن گلدیم، منی مأیوس قایتارما،

دیدیم بوردا منیم دردیم یئته‌ر درمانا یا مولا!

5     گتیردیم اۆز سنه اولدوم او چاغ مأیوس هر یئردن،

واریم حاجت، روا قیل آز قاچیم هر یانا، یا مولا!

ایشیم داد و فغاندیر، آه! اوساندیم عؤمردن بالله،

علاوه صبر و تابیم یوخ، دولوب پئیمانا یا مولا!

سپهرین هرزه دؤورانی، داریخدیرمیش منه جانی،

هاچاغ عؤمرۆم اولور فانی، یئته‌ر پایانا یا مولا؟!

جیگر احباب هیجریندن یانیقدیر، پاره‌دیر، پاره،

اۆره‌ک اغیار جؤورۆندن دؤنۆبدۆر قانا یا مولا!

یئتیش دیوانیما، ظالیمدن آل مظلوملار دادین،

یئتیشمز سندن اؤزگه بیر نفر دیوانا یا مولا!

10   سنن هر مۆشکۆلۆ آسان ائده‌ن، سندن نجات اولدو،

او چاغ کیم نوحا دۆشمۆشدۆ گمی طوفانا یا مولا!

سن ابراهیمه یئتدین داده، قالمیشدی یازیق اول گۆن،

کیم آز قالمیشدی نمرودون اوتوندا یانا یا مولا!

قامی لال اولدو گر آچدین دیلین گفتارا هر یئرده،

عدو خوار اولدو گر قویدون آیاق مئیدانا ‌یا مولا!

سنین کؤنلۆن اولا، قویمام دولانسین گؤی ـ یئرین دؤورۆن،

سنین مئیلین اولا، اگمه‌م بویون شئیطانا یا مولا!

غرض، ای مظهر باری! سنن یالقوزلارین یاری،

باخان بو قطره‌یه ساری دؤنه‌ر عمانا یا مولا!

15   دیمه‌م حق، حققه‌سن بنده، ولی مظهر خداونده،

سنن گۆزگۆ، باخان سنه، باخار یزدانا ‌یا مولا!

ائدیم ناز اول خداونده، یاراتمیش سن کیمی بنده،

واریدیر هیده‌جی اوندا طمع غفرانا یا مولا!

خلاصه اؤز قاپیندان بو گدانی گر قووان پای‌سیز،

روادیر آشنایا گۆلسه هر بیگانا یا مولا!

 

صفحه قبل صفحه بعد
نظر شما
نام : *
پست الکترونیک :
وب سایت/بلاگ :
*
:) :( ;) :D
;)) :X :? :P
:* =(( :O @};-
:B /:) =D> :S
کد امنیتی : *

برچسب ها : کتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ دوشنبه 31 تير 1392 توسط دکتر صدیق. ارسال: سید احسان شکرخدایی