تبلیغات اینترنتیclose
ملا محمد علی هیدجی نین قصیده لری - 3 تصحیح دکترمحمدزاده صدیق
حکیم ملامحمدعلی هیدجی درپژوهشهای دکترحسین محمدزاده صدیق
شرح افکار، احوال و آثار ملا محمد علی هیدجی بر اساس تحقیقات استاد دکتر حسین محمدزاده صدیق
موضوع : حکیم هیدجی نین قصیده لری, | بازدید : 955

بحر رمل مثمن‌مخبون‌‌‌مکفوف

فعلات، فاعلاتن، فعلات، فاعلاتن

                         (م.) 277، (ﻫ.) 194

1    فلگین غم و بلاسی، مگر انتهاسی یوخدور؟

بیر اوتانماز عار بیلمز، نه دیییم حیاسی یوخدور!

بو سپهر دون و ناساز، سیتمین ائدیبدیر آغاز،

ائله‌مز حیا اوتانماز، بیرینه وفاسی یوخدور.

ائله‌ییب منی حواله، گنه محنت و ملاله،

نئله‌ییم بو هرزه بختین، منه بیر حِماسی یوخدور.

سیتم و غمی تۆکنمز، اؤلۆرم‌ده رحمه گلمز،

بو زمانه‌نین منیم تک، غمه مبتلاسی یوخدور.

5     دوتوب اوت گنه آلیشما، بئله چوخدا پیس دانیشما،

بو سبب سنینله آخیر فلگین آراسی یوخدور.

بو سؤزۆ دانیشماز عاقیل، اولا گر بلایا قابیل،

سؤله هانسی شخصِ کامیل الم و بلاسی یوخدور؟

منی‌ده بیر اؤزگه لیلا، ائله‌دی بو چؤلده رۆسوا،

بو بلالی روزگارین من ایله وفاسی یوخدور.

یوخ ائده‌ن بیری نصیحت، ائله‌سین اونا مذمّت،

مگر ای منیم عزیزیم! بو گۆنۆن صاباسی یوخدور؟

عجب آنلاماز ایمیش‌سن، سیبیلین آغاریب بیلمن،

نه جهت بو شوخ و شنگین سنه اعتناسی یوخدور؟

10   بو ظریف و شوخ و شئیدا ائله‌دی خیال، گویا،

آتیلیبدی باشدا بؤرکۆ، اؤزۆنۆن لیباسی یوخدور.

دونو قالماییبدی بئلدن، شالی بئش قاریش قزیلدن،

آیاغیندا کفش ساغری، الینین حناسی یوخدور.

بونو بیل بوقدر پولسوز، پلو و پالاز و چولسوز،

یئرین اولسا باغ جنت، گنه‌ده جلاسی یوخدور.

بئلینی کسیبدی قاتما، دور آیاغا بوردا یاتما،

ائله فیکر عؤمر کئچدی گئریوین قفاسی یوخدور.

ایشین اولدو ناله و آه، گذران دؤگۆل بو بالله!

داخی ایسته‌مه بو عؤمرۆ گئدیب اول، صفاسی یوخدور!

15   ایشیمیز عجب شولوقدور، بیری اهل درد یوخدور،

بابا مدرسه گؤرۆبسۆز کی اونون خلاسی یوخدور؟

هانی ایندی ملاجعفر؟ اونا خصم اولا پیمبر،

ائله‌ییب یقین جزاده بو عمل جزاسی یوخدور.

گله لعنتِ خدایا، یئته دردی منتهایه،

دۆشه قیرخ ایکی بلایه، ائشیدیم دواسی یوخدور.

قوی ایته سؤزۆن دانیشما، من اؤلۆم گل اۆستۆن آشما،

گؤرۆره‌ن سید نقیبین بو سؤزه ریضاسی یوخدور.

سن اؤزۆوی ائتمه بی‌عار، سؤزۆ چوخ اوزاتما، قورتار،

ائله‌مه کلامی تکرار نئچۆن اقتضاسی یوخدور.

20   بو کدورت و ملاله آلیب، ایچ نئچه پیاله،

عبث عؤمرۆ وئرمه باده، بو جهان بقاسی یوخدور.

سؤله ساقییا! او مه‌رو، سالا مجلسه هیاهو،

هانی مطرب غزل‌گو؟ نئیی‌نین صداسی یوخدور؟

تلف اولدو عؤمر هی! هی! دور اولان اوشاقلارا دی،

هانی دۆنبک و دف و نئی؟ نییه بس نواسی یوخدور؟

اولا گوشِ نُه فلک کر، قالا مات چرخ چنبر،

دیمه‌سین کسی مغنی سسینین غناسی یوخدور. 

صفحه قبل 1 صفحه بعد
نظر شما
نام : *
پست الکترونیک :
وب سایت/بلاگ :
*
:) :( ;) :D
;)) :X :? :P
:* =(( :O @};-
:B /:) =D> :S
کد امنیتی : *

برچسب ها : کتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ دوشنبه 31 تير 1392 توسط دکتر صدیق. ارسال: سید احسان شکرخدایی