تبلیغات اینترنتیclose
دکتر حسین محمدزاده صدیق و ملا محمد علی هیدجی
حکیم ملامحمدعلی هیدجی درپژوهشهای دکترحسین محمدزاده صدیق
شرح افکار، احوال و آثار ملا محمد علی هیدجی بر اساس تحقیقات استاد دکتر حسین محمدزاده صدیق
موضوع : حکیم هیدجی نین غزللری , | بازدید : 904

بحر رمل مثمن محذوف

فاعلاتن، فاعلاتن، فاعلاتن، فاعلن

                   (م.)254، (ﻫ.)245

1   چیخدی جانانیم اوتاقدان، جیسمدن جانیم کیمی،

گئتدی جئیرانیم الیمدن، دین و ایمانیم کیمی.

گئچدی یئل تک من باخاردیم یئل داغیتدی چیگنینه،

عنبر افشان کاکیلین، حال پریشانیم کیمی.

سسله‌دیم:«ـ هان ای محبّت‌سیز بوت نامهربان!

گئتمه، گل سیندیرما عهدی، قلبِ ویرانیم کیمی!»

دؤندۆ اوخ تک، غمزه‌سین تۆند ائتدی تؤکسۆن قانیمی،

قیرمیز ائتدی عارض گۆلنارینی قانیم کیمی.

برچسب ها : دکتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ شنبه 30 دی 1391 توسط دکتر صدیق. ارسال: سید احسان شکرخدایی
موضوع : حکیم هیدجی نین غزللری , | بازدید : 786

بحر رمل مثمن مخبون اصلم

مفاعلن، فعلاتن، مفاعلن، فع‌لن.

           (م.)230، (ﻫ.)244

1   اۆزۆنده دامدیر اول زۆلفۆ، دانه‌دیرخالی،

باخیب کؤنۆل قوشو گؤرجک، قاریشدی احوالی.

تَنگ دوداقلاری قئیماق، آغیزینین سویو بال،

بو شوخ بیر یئره قئیماق ایلن قاتیب بالی.

یاخیب بو قونچا دوداق لاله تک منه جانی،

اگیب بو قدّی الیف دال تک منه دالی.

اگر بو تۆرک منیم کؤنلۆمۆ آلا الینه،

باغیشلارام تئلینه اردبیل و خلخالی.

برچسب ها : دکتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ شنبه 30 دی 1391 توسط دکتر صدیق. ارسال: سید احسان شکرخدایی
موضوع : حکیم هیدجی نین غزللری , | بازدید : 725

بحر مجتث مثمن مخبون اصلم

مفاعلن، فعلاتن، مفاعلن، فع‌لن

                     (م.)230، (ﻫ.)243

1   جهاندا ایسته‌مه‌دیم جاه و منصب و مالی،

دیدیم اۆره‌ک ائوینی اؤزگه‌دن ائدیم خالی.

بو بینوایا طرف دوست باخمادی بیر یول،

کؤنۆلده قالدی قامی آرزو و آمالی.

هانی رفیق اونا قوصصه‌می قیلیم اظهار؟

هانی طبیب اونا دردیمی ائدیم حالی؟

منه دیییرلر سنین نیّتین دؤگۆل خالص،

تلاش و سعی یوخون، هیمّتین دؤگۆل عالی!

برچسب ها : دکتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ شنبه 30 دی 1391 توسط دکتر صدیق. ارسال: سید احسان شکرخدایی
موضوع : حکیم هیدجی نین غزللری , | بازدید : 767

(م.)257، (ﻫ.)242

بحر رمل مثمن مخبون محذوف

فاعلاتن، فعلاتن، فعلاتن، فعلن

1   قوجالیق اگدی منی، دور قادان آلیم ساقی!

عؤمردن بیر نئچه گۆندن دؤگۆل آرتیق باقی.

دیش دۆشۆب، بئل بۆکۆلۆب، اۆز قیریشیب، باش‌آغاریب،

نئجه کیم قار یاغار قیشدا آغاردار داغی.

هوشومو باشدان آپار، حالیمی زۆلفۆن کیمی پوز،

دؤوه مست اولدو، یۆک آلتیندا گله‌ر اویناقی.

من دایانمام، گئده‌رم عشق و محبت یولونو،

گزه‌رم بو چؤلۆ هر یان، اوجانی‌ـ ‌آلچاقی.

برچسب ها : دکتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ شنبه 30 دی 1391 توسط دکتر صدیق. ارسال: سید احسان شکرخدایی
موضوع : حکیم هیدجی نین غزللری , | بازدید : 660

بحر رمل مثمن مخبون محذوف

فاعلاتن، فعلاتن، فعلاتن، فعلن

                                                                (م.)265، (ﻫ.)241

1   اول ریضا قسمته، وار حکمتی آللاهین ایشی،

اول کی دؤنده‌ردی قیشا یایی، ائده‌ر یای قیشی.

هر نئجه هر نه مقدّر ائدیب اولسون اولاجاق،

وئر ریضا حُکمِ قضایا، آچ اوزوندن قیریشی.

چوخ تلاش ائتمه، تله‌سمه، ایشه قوی وقتی گله،

یئم وئریلمز قوزویا چیخمییا آغزیندا دیشی.

باغلانیب وقتینه هر زاد نئجه کیم باغ اییه‌سی،

مدت ایسته‌ر کی ائده‌ مئی اوزومو، نئی قمیشی.

5     خلقه آزار ائده‌ن خلقدن آزار گؤره‌ر،

من ایشیم خلق ایله یوخ، خلق منیمله نه ایشی؟

یول گئدنده یئره باخ، یاخشی دؤگول نخوت و ناز،

گلیر الله آجیغی منع قیلیب بو یئریشی.

عورته شخص گره‌کمز دییه گیزلین سؤزونو،

نهی اولوبدور ائلییه مصلحت عورتله کیشی!

زاهید و ساده و سالوسا وصیت ائله‌مک،

اونا بنزه‌ر کی آدام تاپشیرا قوردا چپیشی!

هیده‌جی هوشووی ییغ باشیوا، چوخ یاوه دیمه،

یایا توخماقی بئله گوبسمه، قیرران کیریشی!

برچسب ها : دکتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ شنبه 30 دی 1391 توسط دکتر صدیق. ارسال: سید احسان شکرخدایی
موضوع : حکیم هیدجی نین غزللری , | بازدید : 627

بحر رمل مثمن مخبون محذوف

فاعلاتن، فعلاتن، فعلاتن، فعلن

                                                 (م.)255، (ﻫ.)249

1   به! باهارین گنه گلدی یئلی‌‌نین همهمه‌سی،

قیش گئچیب گئتدی او قار و کولک و دمدمه‌سی.

اولدو بئیرام، آغاجلار گول آچیب، قوشلار اوخور،

هانی ساقی! او گول‌اوز آغزیما اولسون ممه‌سی؟

باش قویوب خلق بیابانا اوشاقدان بؤیوگه،

کیشی‌سی، عورتی، بیر یئرلی عبید و امه‌سی.

ای کی دونیانی اؤگرسن بگه‌نیبسن نه‌یینی؟

دی گؤروم یاخشیدیر آیا بو خرابین نمه‌سی؟

5    دؤولت و سلطنتی جاه و جلال و بزه‌گی،

نعمت و عزتی بیر آرپایا ده‌گمز همه‌سی.

هیده‌جی هاردا تماشا، هارا اول قارا گونون،

اونو چوخدان اله‌نیب میخدان آسیلدی کمه‌سی.

بو سولان گولشنی، غم دوشگونو، یانمیش جیگری،

صوبح و آخشام دوعاسیندا بودور زمزمه‌سی:

اهل تفریش ایا کاش کی سینسین قلمی،

خلق تبریز همیشه ایتی اولسون قمه‌سی.

برچسب ها : دکتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ يکشنبه 26 آذر 1391 توسط دکتر صدیق. ارسال: سید احسان شکرخدایی
موضوع : حکیم هیدجی نین غزللری , | بازدید : 602

بحر رمل مثمن مخبون محذوف

فاعلاتن، فعلاتن، فعلاتن، فعلن

                                                 (م.)231، (ﻫ.)241

1   دور بالام! صوبح یاووخلاشدی گلیر زنگ سسی،

قافیله دوشدو یولا سنده یهه‌رله فَرَسی.

بو هامی آرپا سامانی هدر ائتدین نه گونه؟

بسله‌ییب بیر بئله قوللوق ائله‌دین اولدو بسی.

کؤپگی باغلا بالام، قاپمایا گر بعضیلری،

لازیم اولدو قاپا، بوینوندان او چاغ آچ مَرَسی.

منی سیمرغ سحر سسلدی کی:«- ای قاف قوشو!

آچ قیچین باغینی، وور بیرـ ‌بیره، سیندیر قفسی!

5    بو هامی گولشن و گولدن خس و خاشاکه، کؤنول‌ـ

باغلاما، همت ائدیب، اوتلا بو خاشاک و خسی.

ساغر و ساده‌یه قورشانما، جاوانلیق هاچاغا؟

آنلامازلیق نه قده‌ر؟ بوشلا هویٰ و هوسی!»

سؤودوگوم! سؤگمه منی، حق سنی دوزلو یاردادیب،

سنی هر کیم گؤره، سؤومز اوره‌گی اؤزگه کسی.

ای اوزو شمع شبستانینا، پروانه صیفت،

سنین عشقینده یانار هیده‌جی، چیخماز نفسی.

برچسب ها : دکتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ يکشنبه 26 آذر 1391 توسط دکتر صدیق. ارسال: سید احسان شکرخدایی
موضوع : حکیم هیدجی نین غزللری , | بازدید : 699

بحر منسرح مثمن مطوی منحور

مفتعلن، فاعلات، مفتعلن، فع

 (م.)319، (ﻫ.)298

 

سؤزلریمین ختمی حمد حضرت باری،

پاک خداوند عئیب و نقصدن عاری.

کتم عدمدن گتیردی عالم و آدم،

خلقه یئری ساکن ائتدی گؤیلری جاری.

اولدو سبب حکمتی محبت و قهرین،

قیلدی مجسّم یاراتدی جنّت و ناری.

اول کی باغیشلار گوناهکارا گوناهی،

دوست دوتار بنده‌دن تضرع و زاری.

5     اول کی یئته‌ر کائناتا فیضی دمادم،

جود و عطاسی جاهانا جاری و ساری.

قیرقییا ات قیسمت ائیله‌دی، گئچییه اوت،

کوششه­گه سوت پای قیلدی، جوجه‌یه داری.

هاردا قویار آج عاجزی؟ بو مثلدیر:

کیم قورار کؤر قوشون لوواسینی تاری.

وای منه گر صاباح گونده بویورسون،

کیم:«- بو شقینی چکین جهنمه ساری!»

غم ییمز اول کس کی دوستار علی‌دیر،

قورخوسو یوخ کیمسه، کیم علی اولا یاری.

گل بو گون الله منیم گوناهیمی سن گئچ،

حشرده خوار ائیله‌مه بو درده دوچاری.

من سنی ـ ای دوست! ـ ایسته‌رم، نه بهشتی،

ابله ائده‌ر آرزو کباب و اناری.

ائیله‌مه‌دی هیده‌جی دویونجا تماشا،

اولدو خزان باغ عؤمرو، سولدو باهاری.

برچسب ها : دکتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ يکشنبه 26 آذر 1391 توسط دکتر صدیق. ارسال: سید احسان شکرخدایی
موضوع : حکیم هیدجی نین غزللری , | بازدید : 653

بحر مجتث مثمن مخبون محذوف

مفاعلن، فعلاتن، مفاعلن، فع‌لن

                                                 (م.)266، (ﻫ.)237

1   یاراشماز اؤگمه‌گه بیر کیمسنه، مگر تاری،

نئجه وار ائتدی یوخو، یوخ ائده‌ر گَنه واری.

تمام خلق یئر و گؤگده جن و انس و ملَک،

اولور هلاک، مگر ذات حضرت باری.

قضای حققه ریضا اول، بو گون ازل گونده،

خدای هر نه مقدّر ائدیب اولور جاری.

ایشه کی ال قویاران اؤنده الله آدین آپار،

دولاشمییا سنه شئیطان و یار و انصاری.

5    دالیجا سالماغا اؤلاد آدامی بو شقی،

گئده‌ر دالیجا بو خلقین الینده افساری.

اؤزون گؤزتله بالام نفسدن، اگر غفلت

ائده‌ن چکه‌ر سنی کم‌ـ‌کم جهنمه ساری.

قاپار گلیب ‌ـ‌ گئده‌نی ایت کیمی مَرَسله بونو،

یئته‌ر کؤپک کی آچیق قالدی خلقه آزاری.

هر اول کی بوش دولانیر، چوخ یییه‌ر، یاتار ‌آرتیق،

دوتار هر آینه دوشمن بو اوچ کسی تاری.

قارین قولو ائله‌مز بنده‌لیک خداونده،

اولور اؤکوز کیمی فضل و کمالدان عاری.

10  کس اؤزگه‌یه ال اوزاتماز گر اولسا ناموسو،

کیشی دیل اؤزگه‌یه آچماز اگر اولا عاری.

خدایا! شوکر، بو نامرد خلقه بورجوم یوخ،

قولاغینی کیشی‌‌نین بورجودور ائده‌ر ساری.

سن ائتمه دان بو بؤیوک نعمتی بیلیر قدرین،

فقیر و مفلس و رنج و تعب گرفتاری.

سویوق توکنمه‌دی، گول بیتمه‌دی نولوردو گنه،

گلیب بهار آپارسایدی بو قیش و قاری.

فغان کی حسرتی قالدی اوره‌کده هیده‌جین اول،

سویوق بولاقلاری، باشی دومانلی داغلاری.

برچسب ها : دکتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ يکشنبه 26 آذر 1391 توسط دکتر صدیق. ارسال: سید احسان شکرخدایی
موضوع : حکیم هیدجی نین غزللری , | بازدید : 657

بحر منسرح مثمن مطوی منحور

مفتعلن، فاعلات، مفتعلن، فع

                                                 (م.)311، (ﻫ.)235

1   اول کیم آپاردی قیشی، گتیردی باهاری،

قیلدی بدل سبزه و گوله، بوز و قاری.

کیمسه کی یوخ یئردن عالمی ائله‌دی وار،

قدرتی واردیر گنه یوخ ائیلیه واری.

بو نه عجب دؤنده‌ره وصاله فراقی،

لوطف قیلیب گؤ‌نده‌ره گله او نگاری.

اول کی نه قدر آغلادیم، او مئهر و وفاسیز،

ائیله‌مه‌دی التفات بیر منه ساری.

5    عارضی گول، قدّی سرودیر، ممه‌سی نار،

سرو آغاجیندا کیم گؤروبدو اناری.

گلدی باشیمدان چیخاردی عقل و شعورو،

گئتدی اوره‌کدن آپاردی صبر و قراری.

اویما بو دونیایا، یوخ وفا و بقاسی،

چوخ کیشی‌نی اؤلدوروب ائوینده بو قاری!

اول کیشی‌یه جان فدا کی وئردی طلاقین،

بو دؤوه‌دن یومدو گؤز، گؤتوردو مهاری.

ائیله‌دی مولایا جیلوه‌ باغ فدکده،

گل منی آل مالیک اول تمام دیاری.

10  شاه دیدی:«- گئت ایراغا گلمه یاووق، من،

ائیله‌میره­م اختیار سن کیمی یاری!»

من سنه آللانمازام گئت اؤزگنی اویدور،

ائتمیشم اوچ یول سنین طلاقیوی جاری.

کیمسه کی کؤنلونده یوخ محبتِ حیدر،

طاعتی اولماز قبولِ درگهِ باری.

حَققه علی‌دیر ولی کی حشر گونونده،

قسمت ائده‌ر کائناته جنت و ناری.

اوز گتیریب هیده‌جی بوگون سنه، مولا!

واسیطه اول سن، اونو باغیشلییا تاری.

برچسب ها : دکتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ يکشنبه 26 آذر 1391 توسط دکتر صدیق. ارسال: سید احسان شکرخدایی
موضوع : حکیم هیدجی نین غزللری , | بازدید : 779

بحر مجتث مثمن مخبون محذوف

مفاعلن، فعلاتن، مفاعلن، فع‌لن

                                                                 (م.)318، (ﻫ.)235

1   اؤزون خیال قیل انصاف ائله سنی تاری،

اولوبدو ترک قیلا یار بی‌جهت یاری؟

گیله یوخوم نییه ای دوست! مندن آیریلاسان،

گلیب گئدنده منیم حالیمی سوروش باری.

مگر چیخیبدی یادیندان گئدنده زنجانا،

چیخیب گلنده اَوَل گونده‌کی ائوه ساری.

او سؤزلری کی دانیشیردیق قاباقجا گول‌محمد،

او خادمیم کی سوره‌ردی قاباقجا ماللاری.

5    گنه او گونلر اوچون شاد اولوب منیم کؤنلوم،

قرار و طاقت الیمدن چیخارتدی افساری.

اوجالدی شاه خدابنده تک منیم آهیم،

مناره‌سی کیمی قؤوزاندی ناله و زاری.

کیمین یانیندا شکایت ائدیم احبّادان؟

سالیبدی یار گؤزوندن منی، ائدیم زاری!

برچسب ها : دکتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ يکشنبه 26 آذر 1391 توسط دکتر صدیق. ارسال: سید احسان شکرخدایی
موضوع : حکیم هیدجی نین غزللری , | بازدید : 688

بحر مجتث مثمن مخبون محذوف 

مفاعلن، فعلاتن، مفاعلن، فع‌لن

 (م.)261، (ﻫ.)233

1   دانیشما زاهید اگر سؤز ائشیتمه‌دیم، سنه‌ نه،

من اؤز خُداما گوناه ائتدیم، ائتمه‌دیم، سنه‌ نه؟

خدا بهشت برینی وئریب سنه، منه نه،

سنین گومانیوا من کامه یئتمه‌دیم، سنه نه؟

نه چون منی سوگوره‌ن گئتمیشم کلیسایا؟

دؤگولدی کعبه نصیبیمده، گئتمه‌دیم، سنه نه؟

منه اگر دیدیلر گل قیلاق دالیندا نماز،

باخیب صلاحیما بو امره بیتمه‌دیم، سنه نه؟

5   دیدیم من ائیله‌میرم التفات دونیایا،

یئریتدیم اؤز سؤزومو یا یئریتمه‌دیم، سنه نه؟

برچسب ها : دکتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ سه شنبه 7 آذر 1391 توسط دکتر صدیق. ارسال: سید احسان شکرخدایی
موضوع : حکیم هیدجی نین غزللری , | بازدید : 645

بحر مجتث مثمن مخبون محذوف 

مفاعلن، فعلاتن، مفاعلن، فع‌لن

(م.)232، (ﻫ.)234

1   اوجاغی اوتلا بالام، آش پیشمز اؤز- اؤزونه،

هر اول سؤوه‌ر اوره‌گی آش، توتون گئده‌ر گؤزونه.

جهان مثلده دگیرمان، فلک اونون داشی،

آدام کی گیردی دگیرمانه، توز قونار اوزونه.

ببه‌م! سیتم ائله‌مه خلقه، رحم قیل اؤزووه،

او کس کی ظولم ائده‌ر اؤزگیه، ائده‌ر اؤزونه.

هر اول گئچی کی ووراردی قویونلاری گؤردوم،

چوبان آغاجین آتیب گلدی دگدی بوینوزونه.

5   یالان دانیشما، دغل اولما، خلق ایله یول گئت،

یئته‌ر مورادینا اول کس، یولون گئده‌ر دوزونه.

اگر تاپیلسا وفا بیر نفرده، قدرین بیل!

بو بیر نفر او وفاسیزلارین ده‌گر یوزونه.

مضایقه ائله‌مز هیده‌جی نصیحتده،

ولی نه فایده یوخدور قولاق وئره‌ن سؤزونه.

برچسب ها : دکتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ سه شنبه 7 آذر 1391 توسط دکتر صدیق. ارسال: سید احسان شکرخدایی
موضوع : حکیم هیدجی نین غزللری , | بازدید : 620

بحر مجتث مثمن مخبون محذوف 

مفاعلن، فعلاتن، مفاعلن، فع‌لن

(م.)235، (ﻫ.)232

1   سپه‌ر نسیم سحر عطر مشک هر یانه،

مگر او یار چکه‌ر زولفونه گنه شانه؟

کؤنول اوچوب قازالاق تک دولاندی هر یانا،

او گول اوزون ائله‌دی زولفونون ایچین لانه.

صبا! او دلبره دی وورما تئللریوه تاراق،

داغیتما لانه‌سینی، رحم قیل او حیوانه.

او گون داغیلدی خیالیم، قاتیشدی احوالیم،

کی دوشدو گؤزلریم اول کاکیل پریشانه.

5   اوره‌کلرین قوشونو صید قیلماغا زولفون،

اوزونده دام قوروب، خالدان سپیپ دانه.

صنم! سنه گؤره من دوشموشم بو احوالا،

سنین خیالیوا باش قویموشام بیابانه.

نولوردو سن‌ده اگر بیر گلن منیم اوزومه،

قولاق آسان سؤزومه، منتّین قویان جانه.

بیر ایلتماس واریم ـ گلمسه اگر آجیغین ـ

معافدیر دییه هر نه دانیشسا دیوانه.

اوره‌ک هوس ائده‌ر اول گول کیمی اوزوندن اؤپوم،

بویور گیلن گؤروم آیا مرخّصم یا نه؟

10  بو آرزو سنه مومکون دؤگول مگر اؤله‌سن،

دانیشما، پوچدور ای هیده‌جی! چکیل یانه.

آدام کی اولدو طمعکار سؤز گلیر اوزونه،

بلی طمعدن اولور هر نه گلسه اینسانه.

برچسب ها : دکتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ سه شنبه 7 آذر 1391 توسط دکتر صدیق. ارسال: سید احسان شکرخدایی
موضوع : حکیم هیدجی نین غزللری , | بازدید : 623

بحر مجتث مثمن مخبون محذوف 

مفاعلن، فعلاتن، مفاعلن، فع‌لن

(م.)241، (ﻫ.)228

1   تعجب ائیله‌رم، ای سؤودوگوم! سنی الله،

نه قدر خوش یارادیبدیر، عَلا وَ جَلَّ اِله.

قیلیب جلالینی ظاهیر سنین جمالیندا،

فَما اَجَلَّ وَ ما اَعْظَمَ جَلالَ الله.

صنم! سنی گؤره‌ن اؤزگه گؤزه‌للره باخماز،

یقیندیر ائتمییه‌جک جیلوه گول یانیندا گیاه.

منم، کی دوست یولوندا جفادان اینجیمیرم،

نه چونکی مذهب عاشیقده، اینجیمکدی گوناه.

5   دیییرلر گئتمه! محبت یولوندا زحمت وار،

بو قورخولو یولا قویدوم آیاق، خدایا پناه.

او چاغ کی اؤزگه‌دن اوزدوم اومید، یومدوم گؤز.

منیم یانیمدا، تفاوت یوخو گدا ایله شاه.

گول‌اوزلره گؤره، خوار ائتدی هیده‌جیاؤزونو،

جهاندا ایستمه‌دی اعتبار و عزت و جاه.

برچسب ها : دکتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ سه شنبه 7 آذر 1391 توسط دکتر صدیق. ارسال: سید احسان شکرخدایی
موضوع : حکیم هیدجی نین غزللری , | بازدید : 678

بحر مجتث مثمن مخبون محذوف 

مفاعلن، فعلاتن، مفاعلن، فع‌لن

(م.)241، (ﻫ.)225

1  نئجه من آغلاماییم چکمه‌ییم جیگردن آه،

کی هیچ و پوچ ایله عؤمرِ عزیزیم اولدو تباه.

اگر جهالت ایلن روزگاریم اولدو هدر،

بو گون نه فایده‌سی حالیما تأسف و آه.

نه قدر یئرلری گزدیم مگر تاپام بیریسین،

منی حقیقت مطلبدن ائیله‌سین آگاه.

یولون نیشانینی آلدیم سوراغ هر کیمدن،

دانیشدی گؤردوم اؤزومدن بته‌ر اونو گمراه.

5   نه بیر دلیل و نه بیر ال دوتان، نه داده یئته‌ن،

آدام کیمه آپارا ـ چاره‌سیز قالاندا ‌ـ پناه.

هارا گئدیم؟ نه ائدیم؟ دردیمی کیمه دانیشیم؟

گیج اولموشام من، اؤزون دوت الیمدن ای الله!

سنه گتیرمیشم اوز، گل منی باغیشلا بو گون،

قوجالمیشام اگر ائتدیم جاوانلیغیمدا گوناه.

یقین اؤزیله قاچیر هیده‌جیخدا سندن،

گئچیر فَإِنَّهُ لایَسْتَجیبُ دَعْوَةَ لاه.

برچسب ها : دکتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ سه شنبه 7 آذر 1391 توسط دکتر صدیق. ارسال: سید احسان شکرخدایی
موضوع : حکیم هیدجی نین غزللری , | بازدید : 626

بحر مجتث مثمن مخبون محذوف

مفاعلن، فعلاتن، مفاعلن، فع‌لن.

(م.)245، (ﻫ.)224

1ای دوست! من بویوردوغووا قویموشام بویون،

گر ایسته‌رن بو کؤینگی مندن بویور سویون.

گر قوللوغا قبول ائده‌ن، اول حلقه، بو قولاق،

ور ائیله‌رن اسیر، او زنجیر، بو بویون!

افسوس آیریلیق اودونا یاخدی جانیمی،

گئتدی او نازنین، اوزونو گؤرمه‌دیم دویون.

بیر گؤزلری آلا، بالا جئیران اوچون کؤنول،

ناله چکه‌ر، نئجه بالاسیچون مله‌ر قویون.

ساقی! منی غم الدن آپاردی، آیاغا دور،

سالان گله قادان منه گؤرسون عمین بویون.

دونیایا اؤیمادیم من او چاغدان کی آنلادیم،

محض خیال لذّتینی ایشلرین اویون.

بو هیچ و پوچ مرحله‌دن گئچدی هیده‌جی،

یومدو گؤزون، قیامته قویدو قالا تویون.

برچسب ها : دکتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ سه شنبه 7 آذر 1391 توسط دکتر صدیق. ارسال: سید احسان شکرخدایی
موضوع : حکیم هیدجی نین غزللری , | بازدید : 693

بحرهزج مثمن‌ اخرب‌ مکفوف محذوف

مفعول، مفاعیل، مفاعیل، فعولن

(م.)255، (ﻫ.)223

کؤنلوم دوتولوبدور، بیری یوخ دیل بیلن اولسون،

آچ بو قاپینی، منزله شاید گله‌ن اولسون!

بس آغلادیم، اولدو جیگریم قان یئتیر الله،

بیر کس گؤزومون یاشینی اوزدن سیلن اولسون.

یولداش منه چوخدور دولانیم عالمی شاید،

بیر کیمسه تاپیم دردیمه درمان قیلان اولسون.

برچسب ها : دکتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ دوشنبه 15 آبان 1391 توسط دکتر صدیق. ارسال: سید احسان شکرخدایی
موضوع : حکیم هیدجی نین غزللری , | بازدید : 443

بحر مجتث مثمن خبون اصلم

مفاعلن، فعلاتن، مفاعلن، فع‌لن

(م.)269، (ﻫ.)222

کیشی، عیالینی ائودن چیخا، گره‌ک وورسون،

اوشاق اگر سؤزه باخماز، قولاغینی بورسون.

خبرده وار کی:« ائشیکدن گلنده اؤز ائوینه،

خبر وئره اولا داخیل، اقلاً اؤسگورسون!»

یولا گئدنده گؤتوردو ایتی، آتی میندی،

ایتی مرسلییه آتی یاواش ـ یاواش سورسون.

برچسب ها : دکتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ دوشنبه 15 آبان 1391 توسط دکتر صدیق. ارسال: سید احسان شکرخدایی
موضوع : حکیم هیدجی نین غزللری , | بازدید : 906

بحر مجتث مثمن مخبون اصلم

مفاعلن، فعلاتن، مفاعلن، فع‌لن

(م.)240، (ﻫ.)211

خدا بیلیر کی من ای دوست! بی‌وفا دؤگولم،

یوخوم خیلاف و خطا، دوست بی‌صفا دؤگولم.

وفا و مئهر اگر اؤزگه‌لرده آز تاپیلیر،

من اؤزگه‌لر کیمی بی‌مئهر و بی‌وفا دؤگولم.

دیمه‌م جفا ائیله‌مه من جفایه تابیم وار،

ولی بو قدرده مستوجب جفا دؤگولم.

برچسب ها : دکتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ دوشنبه 15 آبان 1391 توسط دکتر صدیق. ارسال: سید احسان شکرخدایی
موضوع : حکیم هیدجی نین غزللری , | بازدید : 516

بحر مجتث مثمن مخبون اصلم

مفاعلن، فعلاتن، مفاعلن، فع‌لن

(م.)231، (ﻫ.)213

1 سنین یولوندا من ای دوست! جانیمی اوزدوم،

نه قدر جؤور و جفا ائیله‌دین منه، دؤزدوم.

اوره‌کدن اؤزگه‌لرین مئهرینی یودوم قیلدیم،

سنه محبتیمی صاف سو کیمی سوزدوم.

دیدیم مگر دوتا بیر گون عنایتین الیمی،

بیلیب بو اولمییاجاقدیر، اومیدیمی اوزدوم.

برچسب ها : دکتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ دوشنبه 15 آبان 1391 توسط دکتر صدیق. ارسال: سید احسان شکرخدایی
موضوع : حکیم هیدجی نین غزللری , | بازدید : 468

بحر مضارع مثمن اخرب مکفوف محذوف

مفعول، فاعلات، مفاعیل، فاعلن

(م.)253، (ﻫ.)208

1 فصل گول اولدو شیشه‌لره دور گول‌آب قیل،

گل ای گؤزه‌ل! داوام یوخو، سن شتاب قیل.

سو، بیلمیسن سوسوزلارا وئرمک ثوابدیر،

گر ایسته‌رن ثواب قیلان، دور ثواب قیل.

بو انس و حال حلقه‌سینه سیغماز اؤزگه‌لر،

گر غیر دوست ایستیه گلسین، جاواب قیل!

برچسب ها : دکتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ دوشنبه 15 آبان 1391 توسط دکتر صدیق. ارسال: سید احسان شکرخدایی
موضوع : حکیم هیدجی نین غزللری , | بازدید : 381

بحر متقارب مثمن محذوف

فعولن، فعولن، فعولن، فعل

(م.)256، (ﻫ.)207

1 کؤنول! آغلاما، آغلاما، گولگیلن، گول!

باهار اولدو، گلدی گنه گولشنه گول.

باهارین یئلی روحومو قیلدی تازا،

چکاوک سسی طبعیمی ائتدی شنگول.

دئگیل عقلدن توبه، گول موسمینده،

هانی ساقیِ شوخ و شیرین شمایل؟

دور ای عارضی لاله، قدّی صنوبر،

گل ای آغزی گول قونچاسی، زولفو سونبول.

برچسب ها : دکتر حسین محمدزاده صدیق و ملا محمد علی هیدجی,ملا محمدعلی هیدجی به روایت دکترمحمدزاده صدیق,دکتر حسین محمدزاده صدیق,حسین دوزگون,حکیم ملا محمد علی هیدجی,شناختنامه ملا محمد علی هیدجی و تحقیقات دکتر حسین محمدزاده صدیق,تحقیقات دکتر حسین محمدزاده صدیق درباره ملا محمد علی هیدجی,زنگانلی شاعیر,
ارسال در تاريخ دوشنبه 15 آبان 1391 توسط دکتر صدیق. ارسال: سید احسان شکرخدایی
صفحه قبل 1 2 صفحه بعد